ads
neelambads

आउँदो मङ्गलवार रातिदेखि देशभर ठूलो पानी पर्ने सम्भावना ः मौसमविद्

 

बीरगंज ३२ असार । 

आउँदो मङ्गलवार रातिदेखि देशभर ठूलो पानी पर्ने सम्भावना रहेको मौसमविद्ले जनाएका छन् । 

अहिले दक्षिणतर्फ रोकिएर रहेको मनसुनी रेखा उत्तरतर्फ सर्ने भएकाले आउँदो मङ्गलवार रातिदेखि देशभर ठूलो पानी पर्ने सम्भावना रहेको मौसमविद् विनु महर्जनले बताउनुभएकाे छ । 

मङ्गलवार रातिदेखि तीन र चार दिनसम्म लगातार झरी पर्ने र केही ठाउँमा ठूलो पानी पर्ने सम्भावना छ । आउने मङ्गलवारदेखि केही दिन सकेसम्म यात्रा नगर्न पनि मौसमविद्ले सल्लाह दिएका छन् । 

पानी नपर्दा  केही दिनदेखि देशभर गर्मी बढेको छ । 

देशका सबैजसो ठाउँमा अधिकतम तापक्रम बढेको छ भने तातो र सुक्खा हावा चल्न थालेको छ । पहाडी क्षेत्रमा फाट्टफुट्ट पानी परेर बिहान बेलुका केही शीतल महसुस भए पनि तराईका जिल्लामा केही दिनयता पानी नपर्दा गर्मी बढेर जनजीवन प्रभावित बनेको छ । 

काठमाण्डौसहित पहाडी क्षेत्रमा पनि दिउँसोको समयमा टन्टलापुर घाम चर्किँदा जनजीवन प्रभावित भएको छ । 

Post a Comment

Previous Post Next Post
neelambAd
ads