ads
neelambads

सि.के. राउतले गुनासोको सम्बोधन गर्न गृहमन्त्रीलाई फोन


सप्तरी १६ पुस । 

सप्तरी प्रहरीले उजुरी नलिएको भन्दै जनमत पार्टीका अध्यक्ष सिके राउतले गृहमन्त्री रवि लामिछानेलाई फोन गरी जनाए। 

शनिबार सामाजिक सञ्जाल फेसबुकमा लेख्दै आफूले पाएको गुनासोबारे गृहमन्त्री लामिछानेलाई जानकारी गराएको बताए। 

राउतले आफ्नो क्षेत्रका गुनासोको सम्बोधन गर्न कार्यालयमा गुनासो पेटिका राखेका छन्। त्यसको सम्बोधन गर्नेक्रममा उनले सप्तरीमा महिला हिंसा र यातनाको दर बढ्दो देखिएको बताए।

त्यसैबीच एक महिलाको कपाल खौरिदिएको घटनामा पीडित महिला प्रहरीसमक्ष पुग्दा समेत उजुरी नलिएको गुनासो समेत आएको उनले उल्लेख गरेका छन्। 

‘हिजो आफ्नो क्षेत्रका गुनासो सुन्ने क्रममा सप्तरीमा महिला हिंसा र यातनाको दर बढ्दो, र पीडित महिला  प्रहरीकहाँ हिम्मत गरेर जाँदा पनि प्रहरीले उजुरी लिन नमानेको विषय उठेकोले गृहमन्त्रीज्यूलाई सो बारेमा फोनमा अवगत गराएको छु, उहाँले भन्नु भयाे।

यस्तै जिल्ला प्रहरी कार्यालय सप्तरीका प्रमुख एसपी अभिनारायण काफ्लेले भने यसको अनुसन्धान भइरहेको जनाए। 

केही दिन अघिको घटना भएको जनाउँदै दुई पक्षबीच छलफल भएको पनि जनाए। 

‘प्रहरीले लिन नमानेको होइन। हामीले अनुसन्धान गर्दैछौं। उहाँहरूले अस्ती दुई पक्ष बसेर छलफल गर्छौं पनि भन्नुभएको थियो। 

त्यसपछि आउनु पनि भएको छैन,’ उहाँले भन्रु भयाे। 

उहाँले जिल्लामा महिला हिंसाका घटना नबढेको पनि दाबी गरे। उहाँले प्रहरी समक्ष आएका गुनासोको सम्बोधन गरी अनुसन्धान गर्ने गरेको जनाए। 

Post a Comment

Previous Post Next Post
neelambAd
ads