सप्तरी २२ कार्तिक । खडक नगरपालिका वडा नं. ११ बनौलीबाट थ्रिनटथ्री राइफलको गोली ५ राउण्ड सहित २ जनालाई मंगलबार बेलुकी प्रहरीले पक्राउ गरेको समाचार छ ।
पक्राउ पर्नेहरूमा सिरहा लक्ष्मीपुर पतारी गाउँपालिका २ बस्ने १९ वर्षीय धर्मजित कुमार यादव र सप्तरी खडक नगरपालिका(११ बनौली बस्ने १८ वर्षीय किशोर रहेका छन् । ईलाका प्रहरी कार्यालय कल्याणपुरबाट खटिएको प्रहरीले उनीहरूलाई उक्त गोलीसहित पक्राउ गरेको हो ।
उनीहरू उपर हातहतियार तथा खरखजना सम्बन्धी कसूरमा सप्तरी जिल्ला अदालतबाट ३ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।
