ads
neelambads

वैवाहिक जबर्जस्ती करणीको आरोपमा न्यायाधीश गिरी थुनामा

 
बीरगंज २२ चैत्र । वैवाहिक जबर्जस्ती करणीको आरोपमा न्यायाधीश गिरी थुनामा परेका छन । 

प्राप्त समाचार अनुसार सर्वोच्च अदालतले वैवाहिक जबर्जस्ती करणीको आरोप लागेका निलम्बित जिल्ला न्यायाधीश भुवन गिरीलाई पुर्पक्षका लागि थुनामा पठाउन आदेश गरेको छ । 

सर्वोच्चका न्यायाधीशद्वय हरिप्रसाद फुयाल र तिलप्रसाद श्रेष्ठको संयुक्त इजलासले हिजो जिल्ला अदालत काठमाण्डौ र उच्च अदालत पाटनको आदेश बदर गर्दै गिरीलाई थुनामा पठाएको छ ।

यसअघि जिल्ला अदालत काठमाण्डौ र उच्च अदालत पाटनले निलम्बित न्यायाधीश गिरीलाई धरौटीमा छाड्न आदेश गरेको थियो । 

गिरीको पत्नीले आफूमाथि बलात्कार भएको उल्लेख गर्दै जाहेरी दिएपछि प्रहरीले निलम्वित न्यायाधीश गिरीलाई पक्राउ गरी अनुसन्धान गरेको थियो ।

जिल्ला सरकारी वकिल कार्यालयले वैवाहिक बलात्कारको मुद्दा चलाएपछि गिरी निलम्बनमा रहेका छन् ।

Post a Comment

Previous Post Next Post
neelambAd
ads