बीरगंज ११ भदाै । मोरङ जिल्लाको उर्लाबारी वडा नं. ३ मा रहेकाे मदन भण्डारी अस्पताल तथा ट्रमा सेन्टरमा कार्यरत डा. प्रज्जवल कोइराला सुनसरी र उदयपुरको सीमा भएर बग्ने सप्तकोशीको पुलमा आफ्नो सवारी साधन छाडेर सम्पर्क विहीन हुनुभएको समाचार छ ।
मदन भण्डारी अस्पताल एण्ड ट्रमा सेन्टरका कर्मचारी केशव न्यौपानेका अनुसार जनरल सर्जन कोइराला साउन २९ गते मात्र करारमा नियुक्ति हुनु भएका थिए ।
झापाको दमक वडा नं. १ मा स्थायी घर रहेका ३१ वर्षीय कोइराला अविवाहित रहेका छन ।
उता जिल्ला प्रहरी कार्यालय उदयपुरका प्रहरी नायव उपरीक्षक हरिनन्दन चौधरीका अनुसार डाक्टर कोइरालाले चढ्ने प्रदेश १ / ०२ / ००२ च ४१६६ नं. काे कार सप्तकोशी पुलको पश्चिम तर्फ रोकि राखेको अवस्थामा छोडिएको छ ।
जुत्ता र मोबाइल पनि कारको छेउमा सडक किनारमा फेला परेको प्रहरी नायव उपरीक्षक चौधरीले जानकारी गराए ।