बीरगंज । पैदल हिँड्नु स्वास्थ्यका लागि सबैभन्दा फाइदाजनक व्यायाम मानिन्छ । यसले तन्दुरुस्ती कायम राख्न त मद्दत गर्छ नै तनाव कम गर्न, तौल घटाउन र मुटुको स्वास्थ्य सुधार गर्न पनि मद्दत गर्छ ।
तर, तपाईँले खाली पेट हिँड्दा के फाइदा र बेफाइदा हुन सक्छ भनेर कहिल्यै सोच्नुभएको छ रु धेरैजसो मानिसले हिँड्नुको फाइदा गन्ने भए पनि खाली पेटमा हिँड्नु कत्तिको फाइदाजनक र हानिकारक छ भन्ने जान्न जरुरी छ । विशेषगरी यो बानी लामो समयसम्म अपनाइरहँदा यसले स्वास्थ्यमा नकारात्मक असर पार्न सक्छ ।
यस्ता छन् खाली पेटमा हिँड्नुको फाइदा
खाली पेट हिँड्नु पछाडि सबैभन्दा ठुलो तर्क यही हो कि यसले शरीरमा जम्मा भएको बोसोलाई ऊर्जाको रूपमा प्रयोग गर्न मद्दत गर्छ । यो प्रक्रियालाई ‘फास्ट कार्डियो’ भनिन्छ ।
तौल घटाउन सहयोगी स् खाली पेटमा हिँड्दा शरीरको बोसो छिट्टै बर्न हुन्छ, जसले तौल घटाउन मद्दत गर्छ ।
मेटाबोलिजम बढाउँछ स् यसले शरीरको मेटाबोलिजमलाई सक्रिय गर्न सक्छ, जसले गर्दा दिनभर ऊर्जावान भइन्छ । इन्सुलिन संवेदनशीलता सुधार गर्दछ स् खाली पेटमा हिँड्दा रगतमा चिनीको मात्रा नियन्त्रण गर्न मद्दत मिल्छ ।
खाली पेटमा धेरै हिँड्नुको बेफाइदा
तर, खाली पेटमा धेरै हिँड्दा कहिलेकाहीँ स्वास्थ्यमा नकारात्मक असर देखिन्छ । जुन यस प्रकार छन्स्
एनर्जीको कमीः खाली पेटमा हिँड्दा शरीरमा ऊर्जाको स्तर घट्न सक्छ । यसले गर्दा कमजोरी र थकान महसुस हुन्छ । यो अवस्था विशेषगरी लामो समयसम्म हिँड्ने वा तीव्र गतिमा हिँड्नेहरूका लागि गम्भीर हुन सक्छ ।
मांसपेशीमा क्षतिस् शरीरमा ग्लुकोजको स्तर घट्यो भने यसले आवश्यक ऊर्जाका लागि मांसपेशीमा भएका प्रोटीनहरू प्रयोग गर्न थाल्छ । यसले गर्दा मांसपेशी कमजोर हुन सक्छ ।
रगतमा चिनीको मात्रा घट्छ स् खाली पेटमा अत्यधिक हिँड्दा रगतमा चिनीको मात्रा अचानक घट्न सक्छ । यस्तो भएमा तपाईँलाई चक्कर आउने, वाकवाकी लाग्ने वा बेहोस हुने जस्ता समस्या निम्तिन सक्छ ।
पाचन प्रणालीमा प्रभाव स् बिहान केही नखाइकन हिँड्दा खाली पेटमा एसिड बन्न सक्छ । यसले पेटमा ग्यास बनाउने, पेट दुख्ने वा एसिडिटी जस्ता समस्या निम्त्याउन सक्छ । त्यसैले खाली पेटमा धेरै बेर हिँड्नु हुँदैन ।
हार्मोनल असंतुलन स् खाली पेटमा लगातार अत्यधिक व्यायाम गर्दा शरीरमा कोर्टिसोल अर्थात् तनाव गराउने हर्मोनको स्तर बढ्न सक्छ । यसले हार्मोनल असंतुलन निम्त्याएर शरीरमा नकारात्मक प्रभाव पार्न सक्छ ।
यी कुराहरूलाई ध्यानमा राख्नुहोस्स्
हल्का नास्ता गर्नेस् खाली पेटमा हिँड्नुअघि फलफूल, ड्राइ फ्रुट्स वा स्मूदीजस्ता हल्का ब्रेकफास्ट लिनुहोस् । यसले शरीरमा ऊर्जाको स्तर कायम राख्छ ।
पर्याप्त पानी पिउनेस् हाम्रो शरीरमा पानीको मात्रा कायम राख्न निकै जरुरी छ । त्यसैले खाली पेट हिँड्नु अघि र पछि पर्याप्त मात्रामा पानी पिउनुहोस् ।
आफ्नो सीमा थाहा पाउनेस् आफ्नो शरीरको आवश्यकता र सहनशक्ति बुझ्नुहोस् । खाली पेटमा हिडिरहँदा आफू कमजोर भएको महसुस गर्नुभयो भने तुरुन्तै हिँड्न बन्द गर्नुहोस् ।
डाक्टरसँग परामर्श लिनेस् यदि तपाई मधुमेह, रक्तचाप वा अन्य कुनै स्वास्थ्य समस्याबाट ग्रसित हुनुहुन्छ भने, खाली पेटमा हिँड्नु अघि डाक्टरसँग परामर्श लिनुहोस् ।
खाली पेटमा हिँड्नु कतिपय अवस्थामा फाइदाजनक हुनसक्छ । तर यसलाई बानी बनाउनुअघि तपाईँले यसको बेफाइदा र आफ्नो शरीरको आवश्यकतालाई बुझ्नुपर्छ ।
प्रतिक्रिया