बीरगंज ३ माघ । चालु आर्थिक वर्षको ६ महिनामा चार वटा मुख्य भन्सार कार्यालयले ७५ प्रतिशत राजस्व सङ्कलन गरेकाे समाचार छ ।
सरकारले चालु आर्थिक वर्षको ६ महिनामा वीरगंज, विराटनगर, मेची र तातोपानी भन्सार कार्यालयले चालु आर्थिक वर्षको ६ महिनामा ७५ प्रतिशत राजस्व सङ्कलन गरेका छन् ।
चार भन्सार कार्यालयले लक्ष्यअनुसार नै राजस्व सङ्कलन गरेको जनाएका छन् । समग्रमा सरकारले चालु आर्थिक वर्षको ६ महिनामा ५ खर्ब ५९ अर्ब राजस्व सङ्कलन गरेको खबर छ ।
जसमा भारततर्फका वीरगंज, विराटनगर, मेची भन्सार र चीन तर्फको तातोपानी भन्सारले लक्ष्यको ७५ प्रतिशत राजस्व सङ्कलन गरेका छन् ।
सरकारले चालु आर्थिक वर्षको ६ महिनामा ५ खर्ब ५९ अर्ब राजस्व सङ्कलन गत वर्षको तुलनामा ६३ अर्ब अर्थात् १३ प्रतिशत वृद्धि गरेको छ ।
सरकारले गत आर्थिक वर्षको पुस मसान्तसम्म चार खर्ब ९६ अर्ब रुपियाँ राजस्व सङ्कलन गरेको थियो ।
सरकारको लक्ष्यअनुसार चार भन्सार कार्यालयहरुले ६ महिनाको अवधिमा ७५ प्रतिशत राजस्व सङ्कलन गरेको दाबी गरेका छन् ।
केही दिनअघि प्रतिनिधि सभाअन्तर्गतको अर्थसमिति बैठकमा सहभागि चार भन्सार प्रमुखले यस्तो दाबी गरेका हुन् । भन्सार प्रमुखहरुले गत वर्षको तुलनामा भन्सारमा राजस्व वृद्धि भएको जनाए ।
वीरगंज भन्सार प्रमुख दीपक लामिछानेले चालु आर्थिक वर्षमा वीरगंज भन्सारले लक्ष्यको ७५ प्रतिशत राजस्व सङ्कलन गरेको उल्लेख गर्नुभयो ।
उनले चालु आर्थिक वर्षको ६ महिनामा ७५ प्रतिशतमा राजस्व सङ्कलन भएको भन्दै पर्सामा ९० प्रतिशत पुगेको उल्लेख गर्नुभयो ।
उनले भन्सारमा साइसीपीमार्फत मालवस्तुहरुको जाँचपास र पुरानो भन्सार कार्यालयबाट यात्रुशाखा व्यवस्थान गरी भन्सारमा सहज वातावरण बनाएको उल्लेख गर्नुभयो ।
प्रमुख लामिछानेले भन्नुभयो, ‘‘चालु आर्थिक वर्षमा वीरगंज भन्सारले लक्ष्यको ७५ प्रतिशत राजस्व सङ्कलन गरेको छ । पुस महिनामा ९० प्रतिशत पुग्छौं । चालु आवको ६ महिनामा ७५ प्रतिशतमा छौं । भन्सारमा आइसीपीमार्फत मालवस्तुहरुको जाँचपास हुन्छ । यात्री शाखा व्यवस्थापन पुरानो भन्सार कार्यालयबाट भइरहेको छ ।’’
उनले बिदाको दिन करिव पाँच हजार अन्य दिनमा २५ सय सवारीसाधन बिल काटेर नेपाल प्रवेश गर्ने गरेको जानकारी दिनुभयो । उहाँले भन्सार कार्यालयले यात्री शाखालाई व्यवस्थित र पारदर्शी बनाएको जनाए ।
उनले स्थानीयहरुको मागअनुसार बिहान ५ बजे देखि राति ११ बजेसम्म सञ्चालन गरेको बताए।
उनले औद्योगिक कच्चा पदार्थ, सवारी साधन,कच्चा तेल खाद्यन्न लगायतका वस्तुहरुलाई हेर्दा करिव २७ प्रतिशत मात्रै रेड जोनबाट सामानहरु पास गरेको जनाए । उनले व्यापार सहजिकरण, जोखिम व्यवस्थापन गर्नेगरी छिटो, छरितो र व्यवस्थित गरेकाले राजस्व सङ्कलनमा वृद्धि भएको दाबी गरे।
प्रमुख लामिछानेले भन्नुभयो, ‘‘औद्योगिक कच्चा पदार्थ, सवारी साधन, कच्चा तेल खाद्यन्नलगायतका वस्तुहरुलाई हेर्दा करिव २७ प्रतिशत मात्रै रेर्ड जोनबाट सामानहरु पास गछौं ।
बाँकी एलो र ग्रिनबाट जान्छ । व्यापार सहजिकरण, व्यवसायीहरुको समय व्यवस्थापन र जोखिम व्यवस्थापन गर्ने गरी छिटो छरितो र व्यवस्थित गरेका छौं ।’’
यसैगरी, विराटनगर भन्सार प्रमुख ज्ञानेन्द्रराज ढकालले विराटनगर भन्सार कार्यालयले राजस्वमा ८ प्रतिशत योगदान गर्ने गरेको बताउनुभयो । उहाँले वार्षिक ४१ अर्ब ५५ करोडको लक्ष्य तोकिएकोमा मङ्सिरसम्म ७५ प्रतिशत राजस्व सङ्कलन भएको बताउनुभयो । उहाँले पुससम्म शतप्रतिशतको अवस्था रहेको जानकारी दिनुभयो ।
उनले आगामी दिनमा भन्सारमा राजस्व सङ्कलन सुधार हुने सङ्केत देखिएको बताए । उनले यस वर्ष राजस्वको लक्ष्य पूरा गर्ने अपेक्षा रहेको पनि जनाए । उनले वैदेशिक व्यापारमा गत वर्षको तुलनामा २ प्रतिशत कमी रहे पनि निर्यातमा तेलको निकासीले ६ प्रतिशतले वृद्धि भएको बताए ।
विराटनगर भन्सार प्रमुख ढकालले भन्नुभयो, ‘‘विराटनगर भन्सार कार्यालय सविधाको हिसावले सुविधा सम्पन्न कार्यालयभित्र पर्छ ।
आइसीपी पनि व्यवस्थित छ भने रेल सेवा समेत उपलब्ध छ । कार्गो रेल उद्घाटन भए पनि निरन्तर रुपमा सञ्चालन गर्न सकिएको छैन । वैदेशिक व्यापारको सन्दर्भमा हेर्दा गत वर्षको तुलनामा २ प्रतिशत कमजोर छौं । निर्यातमा ६ प्रतिशतले माथि छौं । जुन तेलको निकासी बढेको छ ।’’
त्यसैगरी मेची भन्सार कार्यालयका भन्सार अधिकृत राजेन्द्र प्रसाद चुडालले चालु आर्थिक वर्षको ६ महिनामा मङ्सिर सम्म ९० प्रतिशतको राजस्व सङ्कलन गरेको बताए ।
उनले मेची भन्सारमा २०८०/ ०८१ मा १४ अर्ब २३ करोडको राजस्व सङ्कलन गरेको जनाए । उनले चालु आर्थिक वर्षमा १७ अर्ब ३४ करोड सङ्कलन गर्ने लक्ष्य राखेकोमा मङ्सिरसम्म ९० प्रतिशतको राजस्व सङ्कलन गरेको बताए ।
उनले मङ्सिरमा मात्रै मेची भन्सार कार्यालयको राजस्व सङ्कलन १०६ प्रतिशत भएको जनाए ।
चीन तर्फको तातोपानी भन्सार कार्यालयका भन्सार अधिकृत कमल कुमार भट्टराईले तातोपानी भन्सार कार्यालयले २२ अर्ब राजस्व सङ्कलन हुने अपेक्षा गरेको बताए ।
उनले अघिल्लो वर्ष १३ अर्ब सङ्कलन भएकोमा चालु आर्थिक वर्षको मङ्सिरसम्म ८६ प्रतिशत राजस्व सङ्कलन भएको जनाए ।
उनले अघिल्लो वर्षको तुलनामा तातोपानी भन्सार कार्यालयले ८१ प्रतिशत राजस्व सङ्कलनमा वृद्धि गरेको पनि बताए । उनले कोभिड र भूकम्पका कारणले चीनसँगको व्यापार समुन्द्रबाट हुँदा भन्सारमा राजस्व सङ्कलन कम भए पनि अहिले विस्तारै वृद्धि हुँदा राजस्व सङ्कलनमा वृद्धि भएको दाबी गरे ।
उनले विद्युतीय सवारी साधनको व्यापार चीनतर्फ बढी हुन थालेकाले चीनसँगको व्यापार बढ्दो अवस्थामा रहेको बताए ।
भन्सार अधिकृत भट्टराईले भारतभन्दा चीनतर्फको भन्सारमा यात्रु व्यवस्थापन सजिलो रहेको बताउनुभयो । उहाँले भिसा नलिई चीन जानरआउन नपाउने हुँदा समस्या नरहेको जनाए।
चालु आर्थिक वर्षमा १४ खर्ब १९ अर्ब राजस्व सङ्कलन गर्ने लक्ष्य रहेको छ ।
तर चालु आर्थिक वर्षको ६ महिनामा ६ खर्ब ७२ अर्ब राजस्व सङ्कलन गर्ने लक्ष्य राखे पनि पूरा भएको छैन । सरकारको लक्ष्य पूरा हुनका लागि अबको ६ महिनामा आठ खर्बको राजस्व सङ्कलन गर्नुपर्ने आवश्यकता छ ।
प्रतिक्रिया