वीरगज भन्सारद्वारा ५ महिनामा ९६ अर्ब ३८ करोड राजस्व सङ्कलन

 
बीरगंज २ पुस । वीरगंज भन्सार कार्यालयले चालु आर्थिक वर्षको ५ महिनामा रु ९६ अर्ब ३८ करोड राजस्व सङ्कलन गरेको समाचार छ ।

कार्यालयले गत आवको ५ महिनाको तुलनामा चालु आवको सोही अवधिमा भने रु १२ अर्ब एक करोड बढी राजस्व सङ्कलन गरेको खबर छ । 

जबकी कार्यालयले गत आवको ५ महिनामा भने रु ८४ अर्ब ३७ करोड राजस्व सङ्कलन गरेको थियो ।

वीरगंज भन्सार कार्यालयका कर्लेमचारीले चालु आवको ५ महिनामा राजस्व सङ्कलन उत्साह जनक रहेको जानकारी गराएका छन।

 कार्यालयले मङ्सिर महिनामा रु २१ अर्ब ३३ करोड राजस्व सङ्कलन गर्ने लक्ष्य राखेको थियो ।  तर, कार्यालयले सो महिनामा मात्रै लक्ष्य रु २० अर्ब ८० करोड राजस्व सङ्कलन गरेको छ ।

चालु आवको ५ महिनामध्ये सबैभन्दा धेरै राजस्व पनि मङ्सिर महिनामा सङ्कलन भएको बताए । 

साउनमा रु १८ अर्ब ४४ करोड, भदौमा रु २० अर्ब ७३ करोड, असोज महिनामा रु १९ अर्ब नौ करोड राजस्व सङ्कलन भएको थियो ।

भने कात्तिक महिनामा रु १७ अर्ब ३३ करोड र मङ्सिर महिनामा रु २० अर्ब ८० करोड राजस्व सङ्कलन भएको छ ।

भन्सार विभागले वीरगंज भन्सार कार्यालयालाई वर्षभरिमा रु दुई खर्ब ७३ अर्ब ३९ करोड राजस्व सङ्कलन गर्ने लक्ष्य दिएको थियाे । 

हालसम्मको ५ महिनामा वार्षिक लक्ष्यको ८७ प्रतिशत राजस्व सङ्कलन भएको कर्मचारीहरूले जनाएका छन ।