बीरगंज ११ असाेज । सर्लाही जिल्लको रामनगर गाउँपालिक वडा नं. १ को मनुषमारा घाटमा जलाउन ठिक्क पारेको अवस्थामा प्रहरीले एक विवाहित युवतीको शव चिताबाट नियन्त्रणमा लिएको खबर छ ।
सर्लाहीको रामनगर गाउँपालिका वडा नं. १ खैर्वाका सुनिल साहकी श्रीमती २१ वर्षीया मनिषा साहको शव प्रहरीले जलाउन लागेको अवस्थामा चिताबाट नियन्त्रणमा लिएको छ ।
मनिषाको मृत्युको घटना शंकास्पद देखिएपछि बुधबार प्रहरीले जलाउन ठिक्क पारेको अवस्थामा उनको शव नियन्त्राण्मा लिइएको जिल्ला प्रहरी कार्यालय सर्लाहीले जनायाे ।
परिवारका सदस्यले छारे रोगकी बिरामी मनिषाले आत्महत्या गरेको दाबी गरेका छन ।
तर प्रहरीका अनुसार पासो लागेर आत्महत्या गरेको जस्तो देखिएको छ र संकलित प्रमाणको आधारमा घटनाको अनुसन्धान भइरहेको कुरा संचारकर्मीलाइ बताए ।
थप कुरा पोस्टमार्टमपछि पत्ता लाग्ने प्रहरीले जनाए ।
घटना शंकास्पद देखिएपछि प्रहरीले घाटबाटै प्रहरीले मनिषाका श्रीमान सहित परिवारका तीन जना सदस्यलाई नियन्त्रणमा लिएको छ ।
प्रहरीले नियन्त्रणमा लिएका मनिषाका श्रीमान सुनिल, ससुरा रामेश्वर र देवर रामबाबु रहेका छन् । प्रहरी समसान घाट स्थलमा पुग्नासाथ मलामीहरू समेत भगाभाग भएकाे चर्चा छ ।
