पक्राउ पर्नेमा रामनगर गाउँपालिका वडा नम्बर ७, सिसौटका २५ वर्षीय किसन महरा र बागमती नगरपालिका वडा नम्बर ४, जिरायतका १८ वर्षीय श्याम महरा रहेका छन् ।
सिसौटका किसन महरासहितका मानिस हातहितयार गोलीगठ्ठा लिएर हिँड्ने गरेको खबर पाएपछि प्रहरीले केही दिनदेखि नीज माथि निगरानी बढाएको थियो ।
किसनलाई भारतको सोनवर्षाबाट बीआर ०६ डिएम ९५२३ नम्वरको मोटर साइकलमा सर्लाही सदरमुकाम मलङ्गवातर्फ आउँदै गर्दा नियन्त्रणमा लिएकाे थियाे ।
त्यसपछि सोधपुछ गर्दा बागमती नगरपालिका वडा नम्बर १२, स्थित बागमती नदी किनारमा लुकाएर राखेको एक थान कटुवा पेस्तोल बरामद भएको सर्लाही प्रहरीका सूचना अधिकारी एवम् डिएसपी सरोज राईले जानकारी गराए ।
डिएसपी राईका अनुसार किसनलाई मलङ्गवाबाट पक्राउ गर्दा आफूसँग भएको हतियार जिरायतका श्याम महरालाई राख्न दिएको बताए ।
त्यसपछि श्यामलाई समेत घरबाटै नियन्त्रणमा लिएर सोधपुछ गर्दा बागमती नदी किनारमा लगेर लुकाइ राखिएको हतियार देखाएका डिएसपी राईले जनाउनुभयो ।
प्रहरीले दुवै युवकविरुद्ध सर्लाही जिल्ला अदालतबाट हातहतियार तथा खरखजना मुद्दामा १० दिन म्याद थप गरी अनुसन्धान अघि बढाएको छ । युवकहरुको पृष्ठभूमीबारे अनुसन्धान जारी रहेको डिएसपी राईले बताउनुभयो ।
प्रतिक्रिया