नेपाल कम्युनिष्ट पार्टी (एमाले) काे ११ औं महाधिवेशनमा ओली पक्षका सर्वाधिक उम्मेदवार निर्वाचित

 
बीरगंज ३ पुस। नेकपा (एमाले) काे ११ औं महाधिवेशनमा ओली पक्षका सर्वाधिक उम्मेदवार निर्वाचित भएकाे समाचार छ ।

नेकपा (एमाले) को ११ औं महाधिवेशनबाट निर्वाचित हुनुभएका पदाधिकारी तथा सदस्यहरुले पद तथा गोपनीयताको शपथ लिएका छन । 

महाधिवेशनले सामयिक राजनीतिक प्रस्ताव पारित गर्दै सम्पन्न भएको छ।

भक्तपुरको सल्लाघारीमा गत मङ्सिर २७ गते उद्घाटन भई काठमाडौँको भृकुटीमण्डपमा मङ्सिर २८ गतेदेखि सुरु भएको बन्दसत्रको आज औपचारिक रूपमा समापन भएकाे छ । 

सो पार्टीको केन्द्रीय निर्वाचन आयोगका अध्यक्ष डा. विजय सुब्बाले अन्तिम मत परिणाम घोषणा गर्नुभएको थियो।

अन्तिम मत परिणाममा केपी शर्मा ओलीको नेतृत्वमा ३०१ सदस्यीय केन्द्रीय कमिटी र २५ / २५ जना सदस्यीय केन्द्रीय अनुशासन आयोग र लेखा आयोगका पदाधिकारी र सदस्यहरु निर्वाचित भएका छन् । 

आयोगका अध्यक्ष डा. सुब्बा समक्ष नवनिर्वाचित पार्टी अध्यक्ष ओलीले शपथ ग्रहण लिनुभएकाे थियो । भने अन्य पदाधिकारी तथा सदस्यलाई अध्यक्ष ओलीले शपथ ग्रहण गराउनुभयो ।