बारा ९ माघ । बाराको परवानीपुर गाँउपालिका ३ लिपनीमालमा मन्दिर उदघाटनको बिषयमा लिएर दुर्ई पक्षबिच झडप भएको समाचार छ ।
प्रदेश २ को पुर्व भौतिक पुर्वाधार तथा विकाश मन्त्री जितेन्द्र सोनल कै कार्यकर्ता र स्थानीय युवा बिच झडप भएको छ ।
प्रदेश सभा सदस्य सोनलले पुख्र्याैली गाँउमा बनेको ब्रहम बाबाको मन्दिर जवरजस्ती उदघाटन गर्न खोजेपछि झडप भएको स्थानीयबासीले जनाएका छन ।
स्थानीयका अनुसार सोनल भौतिक पुर्वाधार तथा विकाश मन्त्री हुदाँ मन्दिर निर्माणका लगाी ८ लाख बजेट छुट्याएका थिए ।
भने गाँउपालिकाले ५ लाख बजेट छुट्याएपछि मन्दिर निर्माण सम्पन्न भएको छ । शनिवार सम्पन्न भएको मन्दिरको उदघाटन सोनलले नै गर्न जवरजस्ती खोजेपछि विरोध भएको छ ।
जनताले तिरेको करबाट आएको सहयोग रकममा व्यक्तिले तानाशाही तरीकामा मन्दिर उदघाटन गरेर व्यक्तिगत नामको सिलालेख लगाउँने तयारी गरेपछि विरोध भएको स्थानीय राजेश यादवले बताए ।
उनका अनुसार जनताको भावना विपरित प्रहरी परिचालन गरेर ब्रहमबाबाको मन्दिर जवरजस्ती उदघाटन गर्न र आफ्नो नामको शिलालेख लगाउँन थालेपछि विरोध भएको हो ।
सोनल मन्दिर उदघाटन गर्न प्रहरी परिचालन गरेर पुगेपनि स्थानीय युवाहरूले विरोध गरेपछि उनी सहित उनका कार्यकर्ता लखेटेका थिए ।
सोनललाई स्थानीय युवा घेराउ गर्न थालेपछि प्रहरीले उनलाई बचाएर सुरक्षित स्थानमा लगेका हुन ।
प्रदेश सभा सदस्य सोनल पटक पटक मन्दिर, मस्जिद उदघाटन र आफ्नो नामको शिलालेख लगाउँनका लागी मरिहते गर्ने गरेका छन ।
लोसपा नेता सोनल विगतमा पनि धर्मको नाममा उदघाटन र आफ्नो नामको शिलालेख लगाउँन विवाद गर्दै आएका छन ।
उनी धर्ममा राजनीति गर्न खोजेपछि पटक पटक बिरोध भएको कतिपय उदाहरण छन । उनले परवानीपुर गाँउपालिका कै वडा नम्बर १ बुनियादमा गत २०७६ चैत ११ मा स्थानीय दलितलाई पुजाबाट रोक लगाएर महायज्ञको उदघाटन गरेका थिए ।
त्यसबेला पनि स्थानीय दलित परिवार उनको विरोध गरेका थिए । यसअघि उक्त गाँउपालिकाको वडा नम्बर ५ नौतनमा पनि सार्वजनिक धर्मशालाको उदघाटनमा वडा अध्यक्ष रामेश्वर कलवारले विरोध गरेपछि प्रहरी परिचालन गरेर उदघाटन गरेका थिए ।
त्यसबेला सार्वजनिक धर्मशाला निर्माणमा अनियमितता भएको ठहर भएपछि हतार हतारमा धर्मशाला उदघाटन र शिलालेख लगाउँनका लागी नै वडा अध्यक्ष कलवार सहित ५ जनालाई प्रहरी हिरासतमा पुरयाएका थिए ।
उनी निकटका अनुसार सोनल सस्तो लोक प्रियता लागी धर्म, शिक्षामा राजनीति गर्ने गरेका छन ।
केहि दिन अगाडी प्रदेश २ को राजधानी जनकपुर घोषणा भएपछि चर्चामा आउनलाई आफ्नो घर अज्ञात समुह द्वारा तोडफोड भएको भनेर हल्ला फिजाएका थिए । त्यसको पनि व्यापक विरोध भएपछि आलोचित नै भएका थिए ।
प्रतिक्रिया