बुटवल ६ पुस । पूर्वपश्चिम राजमार्ग अन्तर्गत पश्चिम नवलपरासीको सुनवलमा माइक्रो बस र ट्रक एकआपसमा ठोकिँदा २२ जना घाइते भएका छन् भने ७ जनाकाे अवस्था चिन्ताजनक रहेकाे खबर छ ।
सुनवल नगरपालिका–७ स्थित अलकत्रे डाँडामा बर्दघाटबाट बुटवल जाँदै गरेको लु १ ख ९४६७ नम्बरको माइक्रो बस र सुदूरपश्चिम प्रदेश ०१–००१ ख २४४२ नम्बरको ट्रक एकआपसमा ठोकिँदा दुर्घटना भएको जिल्ला प्रहरी कार्यालयले जनायाे ।
साइकल यात्रीलाई ठक्कर दिएपछि अनियन्त्रित भएको माइक्रो बस ट्रकसँग ठोक्किएर दुर्घटना भएको प्रहरीले बताए ।
घाइतेमध्ये ७ जना गम्भीर रहेको र उपचारको लागि रुपन्देहीको भलुही मेडिकल कलेज लगिएको इलाका प्रहरी कार्यालय सुनवलका प्रहरी निरीक्षक सन्तोष पौडेलले जनाए ।
प्रतिक्रिया