बीरगंज ५ फागुन। जनकपुरधाम उपमहानगरपालिका वडा नं. ८ बाट स्रोत नखुलेको नगद ५७ लाख ८४ हजार ६ सय ३५ रूपैयाँ सहित ३ जनालाई प्रहरीले पक्राउ गरेको समाचार छ ।
पक्राउ पर्नेहरूमा सिराहाको कर्जन्हा नगरपालिका वडा नं.९ बस्ने ३९ वर्षीय भुवनेश्वर राउत, भारत बिहार राज्य सितामढी थाना परिहार ग्राम पञ्चायत बराही बस्ने ४२ वर्षीय जामुन नायक र जनकपुरधाम उपमहानगरपालिका वडा नं.८ स्थित न्यू अनुष्का मनी ट्रान्सफर ट्रेडर्सका कर्मचारी सोही उपमहानगरपालिका वडा नं. ८ बस्ने २६ वर्षीय जेनिस साह रहेका छन् ।
मधेश प्रदेश प्रहरी कार्यालय जनकपुर र जिल्ला प्रहरी कार्यालय धनुषाबाट खटिएको प्रहरीले भुवनेश्वर र जामुनलाई नगद १० लाख रूपैयाँ, २ थान मोबाइल तथा जेनिसलाई ४७ लाख ८४ हजार ६ सय ३५ रूपैयाँ, मोबाइल १ थान र ल्यापटप १ थान सहित पक्राउ गरेका छन ।
यस सम्बन्धमाआवश्यक अनुसन्धान भइरहेको प्रहरीले जनायाे ।
प्रतिक्रिया